«Սիգմա լո գրուպ» փաստաբանական գրասենյակը խորհրդատվություն և մասնագիտական կարծիք է տրամադրում ինչպես հայրենական, այնպես էլ միջազգային հաճախորդներին կորպորատիվ կառավարման հարցերի լայն շրջանակի վերաբերյալ: Մեր իրավաբանները մասնագիտանում են հաճախորդներին խորհրդատվություն և աջակցություն տրամադրելու հարցում հետևյալ ոլորտներում՝

• Ուղղակի և ռազմավարական ներդրումներ,
• Արժեթղթերի տեղաբաշխում և կապիտալի ներգրավման այլ գործառնություններ,
• Էլեկտրոնային առևտուր և գնումներ,
• Կապիտալի շուկաները և կարգավորումներ,
• Կորպորատիվ կազմակերպություններ և արժեթղթեր, կորպորատիվ վերակազմակերպում և վերակառուցում,
• Կորպորատիվ ընդհանուր հարցեր և կորպորատիվ կառավարման հարցեր,
• Սեփականաշնորհում,
• Մասնավոր ներդրումային ընկերություններ և հիմնադրամներ,
• Ներքին, միջսահմանային և միջազգային միաձուլումներ և ձեռքբերումներ:

«Սիգմա լո գրուպ» գրասենյակն առաջարկում է աշխատանքի հետ կապված իրավաբանական ծառայությունների ամբողջական փաթեթ՝ շեշտը դնելով աշխատանքի ընդունման և աշխատանքից ազատման վերաբերյալ պայմանագրերի վրա:
Մեր թիմի փորձը ներառում է աշխատանքային պայմանագրերի, աշխատանքային ներքին ենթաօրենսդրական ակտերի, կառավարման համաձայնագրերի և աշխատանքից ազատման փաստաթղթերի կազմում: Վերոնշյալ իրավական ակտերից որևէ մեկի խախտման դեպքում մենք տրամադրում ենք խորհրդատվություն և իրականացնում ենք ներկայացուցչություն այն հաճախորդների համար, ովքեր բախվում են աշխատանքային իրավահարաբերություններում իրավական խնդիրներին:

Մեր թիմը մասնագիտացած է հաճախորդներին խորհրդատվություն և աջակցություն տրամադրելու մեջ հետևյալ հարցերի վերաբերյալ՝

• Աշխատանքային ներքին ենթաօրենսդրական ակտերի մշակում,
• Աշխատանքային պայմանագրերի կազմում,
• Աշխատողների նպաստների ու կենսաթոշակների վերաբերյալ կարգավորումներ,
• Կարգապահական տույժերի հետ կապված հարցեր,
• Աշխատանքից ազատման հետ կապված հարցեր,
• Ներկայացուցչություն դատարաններում:

Ցանկացած բիզնես (անկախ դրա իրավական կարգավիճակից, չափից և գործունեության ոլորտից) պետք է խստորեն հետևի մրցակցության օրենսդրությամբ սահմանված պահանջներին: Այդպիսով անձինք կարող են ոչ միայն խուսափել պատասխանատվության հնարավոր միջոցներից, այլև պաշտպանել իրենց իրավունքները և ամրապնդել ու պահպանել իրենց դիրքը շուկայում:

Մրցակցային օրենսդրության վերաբերյալ մեր գիտելիքներն ու մոտեցումը, ինչպես նաև բիզնես մտածելակերպն ու ռազմավարությունը մեզ թույլ են տալիս մեր հաճախորդներին տրամադրել համապարփակ աջակցություն և խորհրդատվություն գործարար վարքագծի և օրենսդրության պահանջների պահպանման վերաբերյալ:

Տնտեսական քաղաքականության շրջանակներում հարկաբյուջետային քաղաքականությունը դինամիկ կատեգորիա է, որն անմիջական ազդեցություն է ունենում ինչպես փոքր, այնպես էլ խոշոր բիզնեսի վրա։
Մեր համապարփակ մոտեցումը օգնում է մեր հաճախորդներին իրենց բիզնեսի վրա ունենալ երկարաժամկետ դրական ազդեցություն և հասնել արդյունավետության: Բացի դրանից, մեր ընկերության փորձագետները միշտ տեղյակ են հարկային իրավակարգավորումներից և ռիսկերից, ներառյալ՝ այնպիսի հարկատեսակներին վերաբերող իրավական կարգավորումներից և ընթացակարգերից, ինչպիսիք են ավելացված արժեքի հարկը, եկամտային հարկը և այլն: Մեր իրավաբանները տրամադրում են իրավաբանական խորհրդատվություն, ինչպես նաև խորհրդատվական այլ ծառայություններ հարկային պլանավորման և դատական վարույթների իրականացման, ընկերությունների հարկերի, անդրսահմանային ներդրումների և բարդ ֆինանսական գործառնությունների վերաբերյալ:

Մեր թիմը խորհրդատվություն է տրամադրում և ներկայացնում է հաճախորդների շահերը կապիտալի շուկաների, ֆինանսական կարգավորման, օրենսդրության պահպանման, իրավակիրառման, ինչպես նաև ընդհանուր բանկային գործի և ապահովագրության հետ կապված նորմատիվ գրեթե բոլոր հարցերի վերաբերյալ: Մենք մշակում ենք լուծումներ վարկառուների և արժեթղթերի թողարկողների համար, որոնք ներգրավված են բարդ գործարքներում, ապահովագրական ընկերությունների և այլ ֆինանսական հաստատությունների համար:

Մենք մատուցում ենք ծառայություններ հետևյալ ոլորտներում՝

• պարտքի բռնագանձում,
• պայմանագրերի նախագծերի պատրաստում,
• գործարքների լայն շրջանակի վերաբերյալ կարգավորումներ,
• ապրանքի մշակում և կառուցվածքային հարցեր,
• ֆինանսական շուկայի ենթակառուցվածքներ,
• աջակցություն իրավական նախագծերում,
• ֆինանսական տարբեր գործառնությունների վերաբերյալ նախագծերի պատրաստում,
• ներկայացուցչություն դատարանում և վեճի արտադատական լուծում:

«Սիգմա լո գրուպ» փաստաբանական գրասենյակը զբաղվում է դատական ներկայացուցչության իրականացմամբ գրեթե բոլոր ոլորտներում: Մենք ունենք հարուստ փորձ և պատրաստ ենք մեր փորձն օգտագործել ի նպաստ մեր վստահորդների: Անկախ նրանից, թե որքան մեծ կամ փոքր է գործը, միշտ ցանկալի է խորհրդակցել փաստաբանի հետ և ստանալ իրավաբանական խորհրդատվություն հետագա գործողությունների վերաբերյալ: Ձեր գործի նկատմամբ կիրառելի իրավանորմերի և Ձեր ուժեղ/ թույլ կողմերի իմացությունը կարևոր նախապայման է, որը պետք է ապահովել նախքան դատավարություն սկսելը։

Մենք զբաղվում ենք դատական ներկայացուցչությամբ հետևյալ ոլորտներում.

• Անշարժ գույք,
• Պայմանագրային իրավունք,
• Կառուցապատման իրավունք,
• Կորպորատիվ վեճեր,
• Առևտրային դատական վարույթներ,
• Վեճեր վարձատուի և վարձակալի միջև,
• Ապահովագրություն, բանկային վարույթներ և այլն:

«Սիգմա լո գրուպ» փաստաբանական գրասենյակը ներկայացնում է մասնավոր ընկերությունների շահերը, որոնք ձգտում են առավելագույնս պաշտպանել իրենց իրավունքները պաշտոնական սնանկության և անվճարունակության ընթացակարգերի շրջանակներում: Մենք խորհրդատվություն ենք տրամադրում պարտապաններին, այդ թվում՝ տիրապետվող անշարժ գույքի հետ կապված նշանակալից դատական վարույթների շրջանակներում: Մենք մեր հաճախորդներին առաջարկում ենք անվճարունակության հետ կապված դատական վարույթների շրջանակներում իրավունքների վերականգնմանն ուղղված տարբերակների ամբողջական փաթեթ: Մեր ընկերությունն ունի դատական գործեր վարելու հարուստ փորձ, ներառյալ՝

• Առնչվող վեճեր,
• պարտատերերի միջև վեճեր,
• Ներկազմակերպական վեճեր,
• պարտատիրոջ պատասխանատվության պահանջներ,
• գնահատման վերաբերյալ վեճեր,
• կեղծ սնանկության հայցեր,
• սնանկության ռիսկի հետ կապված խորհրդատվություն,
• մեղսակցություն և գործողությունների հրահրում:

Գլոբալ առևտուրը կարգավորվում է ինչպես ազգային, այնպես էլ միջազգային օրենքների բարդ և դինամիկ համակարգով:
Համաշխարհային առևտրի կանոնների իմացությունը և դրանց կիրառման վերաբերյալ գիտելիքները կարող են ազդել Ձեր ընկերության առևտրային կամ մաքսային վեճերի, ընկերության հեղինակության և բրենդի պաշտպանության, ինչպես նաև Ձեր ընկերության արդյունավետության վրա:

Մեր թիմը առաջարկում է Ձեզ բացառիկ ռազմավարություններ և լուծումներ: Մենք պատրաստ ենք պաշտպանելու մեր հաճախորդների շահերը դատարանում ցանկացած հարցի վերաբերյալ: Մենք առաջարկում ենք լուծումներ և մշակում ենք առավել արդյունավետ ռազմավարություններ, որոնք հիմնված են միջազգային իրավական ոլորտի խորը ըմբռնման վրա, մենք տեղյակ ենք միջազգային իրավական բոլոր նորմերից և պայմանագրերից և ունենք անհրաժեշտ փորձ նման գործերով զբաղվելու համար:

Մտավոր սեփականության իրավունքը մեր ընկերության պրակտիկ կիրառության ոլորտներից մեկն է։ Ձեր անձնական կամ առևտրային մտավոր սեփականության պաշտպանությունը կարևոր քայլ է Ձեր իրավունքների հետագա իրացման համար: Մեր իրավաբանները մասնագիտանում են հաճախորդներին խորհրդատվություն և աջակցություն տրամադրելու հարցում հետևյալ հարցերի շուրջ.

• Հեղինակային իրավունք, ներառյալ հեղինակային իրավունքի գրանցում, Հեղինակային իրավունքի գրանցման հայտերի պատրաստում և ներկայացում,
• մտավոր սեփականության իրավունքների պաշտպանություն,
• անբարեխիղճ մրցակցություն և առևտրային գաղտնիք,
• կոնտրաֆակտի դեմ պայքարի հարցեր,
• ապրանքային նշանների պաշտպանություն, դիզայնի պաշտպանություն, արտոնագրային պաշտպանություն,
• մտավոր սեփականության պաշտպանություն,
• Մտավոր սեփականության ոլորտում դատական վարույթներ, այդ թվում՝ արտոնագրային վեճեր, հեղինակային իրավունքների դատական վարույթներ, առևտրային գաղտնիքի դատական վարույթներ, արտոնագրային վեճեր, հեղինակային իրավունքների դատական վարույթներ,
• գյուտերի և նոու-հաուի պաշտպանություն:

Մեր թիմը ձգտում է տեղյակ լինել օրենսդրական բոլոր փոփոխություններից՝ մեր հաճախորդներին մատուցելով բարձրորակ ծառայություններ:

Մեր իրավաբանները մասնագիտանում են հաճախորդներին խորհրդատվություն և աջակցություն տրամադրելու հարցում հետևյալ ոլորտներում.

• Վարչական ակտերի բողոքարկում
• վարչական վեճերի վերաբերյալ դատական ներկայացուցչության իրականացում,
• ներկայացուցչություն պետական հաստատություններում
• բիզնեսի վարման թույլտվությունների և լիցենզիաների ստացման հայտերի ներկայացում այն ոլորտներում, որտեղ առկա է նման պահանջ (ավիացիա, հեռահաղորդակցություն, դեղագործություն, էներգետիկա)
• բարդ կանոնների և դրույթների պահպանման ապահովում:

Մեր ընկերության հիմնադրման գլխավոր նպատակներից մեկն էր նպաստել Հայաստանի պետական-իրավական համակարգի կատարելագործմանը, տնտեսության իրավական կարգավորման զարգացմանը, ուստի մենք ակտիվորեն գործունեություն ենք ծավալում ինչպես մասնավոր, այնպես էլ հանրային իրավունքի ոլորտներին վերաբերող իրավական ակտերի նախագծման և փորձագիտական եզրակացության տրամադրման գործում: Մենք արդեն հասցրել ենք արձանագրել մի շարք կարևոր և արդյունավետ համագործակցություններ միջազգային տարբեր կազմակերպությունների հետ, որոնք աջակցում են Հայաստանում իրավական բարեփոխումների իրականացմանը։ Մեր թիմի անդամների աջակցությամբ արդեն իսկ իրականացվել են օրենսդրական բազմաթիվ փոփոխություններ և բարեփոխումներ. մեր ընկերությունն իր ներդրումն է ունեցել տարբեր ոլորտներում իրավական մի շարք նախաձեռնությունների իրականացման գործում:
Մեր կողմից հաջողությամբ իրականացված համագործակցությունների թվին են պատկանում համագործակցություններն այնպիսի կազմակերպությունների հետ, ինչպիսիք են Եվրոպական Միությունը, Եվրոպական Խորհուրդը, Միավորված ազգերի զարգացման ծրագիրը, ԱՄՆ Միջազգային զարգացման գործակալությունը, ՄԱԿ-ի Փախստականների հարցերով գերագույն հանձնակատարի գրասենյակը, ՄԱԿ-ի Թմրանյութերի և հանցավորության դեմ պայքարի գրասենյակը և այլն։

Մեր մասնագետները մատուցում են հետևյալ ծառայությունները՝

• Իրավական ակտերի նախագծերի մշակում,
• Տարբեր ոլորտներում իրագործելիության ուսումնասիրությունների իրականացում,
• Աշխատանքային խմբերի կազմակերպում, հաշվետվությունների, ռազմավարությունների, գործողությունների ծրագրերի և աշխատանքային/ռազմավարական քարտեզների կազմում, և այլն:

Մեր թիմը կարող է խորհրդատվություն տրամադրել մաքսային կանոնների պահպանման և ներմուծման երկարաժամկետ ռազմավարությունների վերաբերյալ: Մեր թիմը կարող է լուծել մաքսային և արտաքին առևտրային հարցերի լայն շրջանակին վերաբերող խնդիրներ, տրամադրել խորհրդատվություն օրենսդրության պահանջների վերաբերյալ, ուսումնասիրել օրենսդրական առկա ընթացակարգերը, մշակել պահանջների պահպանման նոր ծրագրեր և օգնել հաճախորդներին անվտանգության ընթացակարգերի ներդրման հարցում, որոնք թույլ են տալիս նրանց ապահովել Հայաստանում բիզնես վարելու համար անհրաժեշտ բոլոր պահանջների պահպանումը: Մենք տրամադրում ենք նաև հարակից հարցերով մաքսային մարմինների հետ փոխգործակցության ծառայություններ՝ օգնելով մեր հաճախորդներին մաքսային ձևակերպումների մասով իրենց գործունեության կազմակերպման և զարգացման գործում։